Azərbaycan, Bakı /müx. Trend İ.Xəlilova / Almaniyanın KFV inkişaf bankı avqustun 2-də Bakıya məsləhətçinin cəlb edilməsi məqsədilə tender agenti göndəcək. Agent Gəncə və Şəki şəhərlərində su təminatı və kanalizasiya sisteminin bərpası layihəsinin reallaşmasında "Azərsu"ya kömək edəcək, bu barədə çərşənbə günü KFV-nin Bakı ofisinin rəhbəri Natiq Abdullayev məlumat verib.
Tender təkliflərinin aşkarlanması avqustun 3-də baş tutacaq. Seçim üç İsveçrə firması arasında keçiriləcək, belə ki, məsləhətçilərin xidmətlərinin ödənişi İsveçrənin iqtisadi məsələlər üzrə
Dövlət Katibliyinin (Seco) vəsaitləri hesabına aparılacaq.
Müqavilə avqustun axırına qədər imzalanacaq, sentyabrlan başlayaraq isə məsələhətçi fəaliyyətə başlayacaq.
Məsləhətçilər Gəncə və Şəkinin su şəbəkəsinin təkmilləşdirilməsi və podratçıların müəyyən edilməsi üzrə tenderin texniki şərtlərinin hazırlanması məqsədilə cəlb edilir. Abdullayevin sözlərinə görə, beynəlxalq ekspertlər texniki-iqtisadi əsaslandırmanın qiymətləndirilməsini aparacaqlar və öz təkliflərinin təqdim edəcəklər, belə ki, texniki-iqtisadi əsaslandırma üç il əvvəl hazırlanıb.
KFV-nin nümayəndəsi hesab edir ki, su şəbəkəsi strukturunun təkmilləşdiriməsi və tikinti işləri parallel olaraq aparılacaq.
Layihə Gəncə və Şəki şəhərlərində su təminatı və kanalizasiya sisteminin keyfiyyətinin yaxşılaşdırılmasını nəzərdə tutur. Layihənin büdcəsi 55 mln. avro təşkil edir. 2006-cı ilin oktyabrında Berndə imzalanmış müqaviləyə əsasən layihənin reallaşması üçün KFV 37 mln. avro, İsveçrənin iqtisadi məsələlər üzrə Dövlət Katibliyi isə 10 mln. avro qrant ayırmağı nəzərdə tutur. Azərbaycan hökumətinin layihədə payı 8 mln. avro təşkil edir. Layihə Gəncə və Şəki şəhərlərində yerli əhalinin həyat şəraitinin yaxşılaşmasına təsir edəcək.
