Azərbaycan, Bakı / Trend müxbir İ.Xəlilova / Cümə axşamı Azərbaycanda İxracın və İnvestisiyaların Təşviqi Fondunun prezidenti Emil Məcidovun verdiyi məlumata görə, Azərbaycanın meyvə şirələri ixracatçıları alyansının fəaliyyətinə ilk texniki yardım Almaniyanın Texniki Yardım Cəmiyyəti (GTZ) tərəfindən göstəriləcək.
Qrantın məbləği hələ razılaşdırılmayıb, məbləğ avqustun 15-də alyansın ikinci yığıncağında təsdiq olunacaq fəaliyyət planındakı tədbirlərdən asılı olacaq.
GTZ fonda alyansın yaradılmasında köməklik göstərib. GTZ ilə şirkətin marketinq alətlərinin (kataloq, veb-səhifələr) yenidən işlənməsi də daxil olmaqla birgə tədbirlərin təşkili barədə razılıq əldə olunub.
Yayın sonlarından başlayaraq treniqlərin təşkili ilə bağlı aktiv iş aparılacaq, çox güman ki, treninqlər ixracatçı aylansların fəaliyyət göstərdiyi Almaniyada keçiriləcək.
2007-ci ilin iyulunda yaradılmış şirə ixracatçıları alyansına bu sahədə yeddi aparıcı şirkət (Milk-PRO, Gilan, SAF və s.) daxildir.
