Azərbaycan, Bakı / Trend müxbir İ.Xəlilova / Əhalinin Əmanətlərininin Sığortası Fondu avqustun 13-dən fəaliyyətə başlaması ilə əlaqədar olaraq ilkin kapitalın formalaşdırılmasına başlayıb. Bazar ertəsi fondun icraçı direktoru Azad Cavadovun verdiyi məlumata görə, elə fəaliyyətin birinci günü fondun üzvü olan 30 bankdan 20-dən bir qədər çoxu 10 min manat dəyərində müəyyənləşdirilmiş birdəfəlik üzvlük haqqını ödəyiblər, digər bankların məbləği tezliklə ödəyəcəyi gözlənilir.
Onun proqnorzlarına görə, ilkin kapitallaşma 1,8 mln. manat həcminə ola bilər. Fondun kapitallaşmasına 5 mln. avro ayırmağı planlaşdıran Almaniyanın KfW inkişaf bankının kreditini nəzərə alsaq fondun sığorta ehtiyatları 7 mln. manata qədər artacaq.
Cavadov hesab edir ki, qanunvericiliyə uyğun olacaq fond bank əmanətlərindən 5%-ə qədər, yaxud 50 mln. manat əldə edə bilər. Fondun rəhbərinin sözlərinə görə, gələcəkdə bank əmanətlərinin sayının artması ilə əldə edilən gəlirlər daha da arta bilər. Əmanətlərin illik artımı 40-60% təşkil edir.
