Azərbaycan, Bakı / Trend müxbir İ.Xəlilova / Hökumətdən verilən məlumata görə, Dünya Bankı Azərbaycan korporativ və dövlət sektorunda hesabat layihəsinin təsdiqi prosesini sürətləndirmək niyyətindədir və bu layihənin maliyyələşməsinə bank 20 mln. dollar dəyərində kredit ayırmağı planlaşdırır.
Layihənin 2007-ci ilin oktyabr ayında Dünya Bankının Direktorlar Şurasında təsdiqi 2008-ci maliyyə ilində Azərbaycanın güzəştli kredit alması şanslarını artıracaq, belə ki, 2009-cu ildən bu beynəlxalq təşkilat ölkəyə güzəştli maliyyə təqdim etməkdən imtina edə bilər.
Layihə özündə üç komponenti birləşdirir. Birinci komponentin çərçivəsində korporativ sektorda mühasibat hesabatıının təkmilləşdirilməsi, həmçinin ictimai cəhətdən mühüm təşkilatlarda maliyyə hesabatının beynəlxalq standartlarının tətbiqi, "Audit haqqında" yeni qanunun qəbul olunmasına yardım etmək, Auditor Palatasının inkişafı və yenidən formalaşdırılması nəzərədə tutulur. İkinci komponent dövlət sektorunda mühasibat hesabı sisteminin yenidən forlaşdırılmasını nəzərdə tutur.
Üçüncü komponentdə Azərbaycanda araşdırmalar, təhsil, mühasibat hesabının peşəkarcasına təlimi mərkəzinin yaradılması, mühasib və auditorların yeni alətlərlə təmin edilməsi, təlimlərin keçirilməsi ilə bağlı xüsusi proqramın dəstəklənməsini nəzərdə tutur.
Layihənin reallaşmasının sürətləndirilməsində dövlət də maraqlıdır. "Mühasibat hesabı haqqında" qanuna uyğun olaraq 2007-ci ilin sonuna qədər kommersiya təşkilatlarında mühasibat hesabının milli standartlarının tətbiqi başa çatmalıdır. Büdcə və qeyri-hökumət təşkilatları bu prosesi 2008-ci ilin sonuna qədər başa çatdırmalıdırlar.