Azərbaycan, Bakı / Trend müx. Ü.İsmayılova/ Bazar ertəsi "Azsığorta" şirkətinin marketinq üzrə direktoru Telman Veberin verdiyi məlumata görə, "Azərqarant" sığorta şirkətinin idarə heyətinin keçmiş sədri Faiq Hüseynov "Azsığorta" sığorta şirkətinin baş direktorunun müavini təyin olunub. "Faiq Hüseynov bizə tək deyil, öz komandası ilə gəlib, buraya aparıcı vəzifələrin əməkdaşları daxildir" - deyə o bildirib.
Veberin sözlərinə görə, "Azsığorta"da aparılan struktur dəyişiklikləri peşəkarlığın gələcəkdə daha da artırılması və şirkətin genişləndirilməsi ilə bağlıdır, bu barədə qərar şirkətin təsisçilərinin son yığıncağı zamanı qəbul olunub.
"Azərqarant" şirkətinin ilin birinci yarısında sığorta haqları 0,31 mln. manat, ödənişlər isə 0,11 mln. manat təşkil edib.
"Azsığorta" şirkətinin altı ay ərzində sığorta haqları 1,55 mln. manat, ödənişlər isə 0,01 mln. manat təşkil edib.
Azərbaycanda hazırda 29 sığorta şirkəti fəaliyyət göstərir.
