Azərbaycanın sığorta bazarında güclü rəqib peyda ola bilər

22 Avqust 2007 20:02 (UTC+04:00)

Azərbaycan, Bakı/ Trend müxbir İ.Xəlilova, Ü.İsmayılova/ Azərbaycanın Tural Sigorta şirkətində təsisçilərin dəyişilməsi gedir və şirkətin yeni sahibi Bank Respublika ola bilər.

Bank Respublika-dan çərşənbə günü bildiriblər ki, Tural Sigorta səhmlərinin bir hissəsi həqiqətən də bank tərəfindən alına bilər. Bankın idarə heyətinin sədri Xədicə Həsənova bu məsələnin hazırda səhmdarların müzakirəsində olduğunu nəzərə çatdıraraq artıq yaxın günlərdə rəsmi məlumat verilə biləcəyini bildirib.

Maliyyə Nazirliyinin Sığorta Nəzarəti şöbəsinin rəhbəri Namiq Xəlilov bildirib ki, hələlik Tural Sigorta təsisçilərinin dəyişməsi ilə bağlı nazirliyə müraciət olunmayıb.

Tural Sigorta idarə heyətini sədrinin keçmiş müavini Eldar Məmmədov bildirib ki, ay yarım əvvəl əvvəlki rəhbərlik istefaaya göndərilib və hazırda şirkət demək olar fəaliyyətsizdir. O şirkətin səhmlərinin yeni təsisçilərə satılması niyyəti haqqında məlumatı təsdiq edib. Yeni qurum Baki Sigorta adı altında yenilənmiş heyətlə fəaliyyətə başlayacaq.

Bankın ölkə bazarınadakı mövqeyi nəzərə alınsa Bank Respublika-nın sığorta bazarına daxil olması daha bir güclü rəqibin sığorta bazarına daxil olması barədə söyləməyə imkan verir.

İndiyə qədər Tural Sigorta ölkənin sığorta bazarında elə də ciddi fərqlənməyib. Şirkətin kapitalı hazırda 0,7 mln. manat təşkil edir. 2007-ci ilin yanvar-iyul aylarında Tural Sigorta-nın sığorta haqları 0,07 mln. manat, sığorta ödəmələri isə 0,02 mln. manat təşkil edib.

Azərbaycanın sığortya şirkətlərinin ümumi gəlirlərində Tural Sigorta gəlirlərinin xüsusi çəkisi 0,19 faiz, ödəmələri isə 0,27 faiz təşkil edib.

Azərbaycanın sığorta bazırda bankların sığorta bazarına daxil olması tendensiyası davam edir. Buna bank haqqında qanunvericiliklə də yol verilir.

Hazırda Azərbaycan Beynəlxalq Bankının - MSK, UniBank - Mbask, Xalq Bank - Xalq Sigorta və s. şirkətlər mövcuddur.

Maliyyə Nazirliyinin məlumatına əsasən Azərbaycanın 29 sığorta şirkətinin ilk 10-u aşağıdakılardır:

Sığorta şirkəti	2007-ci ilin birinci yarımilində gəlir (mln. manat)	2007-ci ilin birinci yarımilində ödəmələr (mln. manat)
1. Azal Sigorta	12,36	0,28
2.Atesgah	10,84	1,56
3.Azersigorta	9,72	3,64
4.Standard Insurance	7,90	1,24
5. MBASK	4,46	1,47
6. MSK	4,22	0,83
7. Xalq Sigorta	3,29	0,44
8.A-Group	2,89	1,26
9. Ata Sigorta	2,17	0,25
10. Pasa Sigorta	1,79	0,02