ALŞA Azərbaycanın lizinq qanunvericiyini müzakirə etmək üçün daha təsirli dairələrə çıxmaq istəyir
Azərbaycan, Baku / Trend müxbir U.İsmayılova/ Azərbaycan Lizinq Şirkətləri Assosiasiyası (ALŞA) oktyabr ayında üzvlərinin Mülki Məcəllənin ölkədə lizinq fəaliyyətinin inkişafına mane olan maddələrinə həsr olunmuş ümumi yığıncaq keçirəcək. Bu barədə cümə axşamı ALŞA icraçı direktoru Natiq Zeynalov bildirib.
Bu haqda qərar ALŞA-nın çərşənbə günü keçirilən növbəti toplantısında qəbul edilib.
Azərbaycanda lizinq fəaliyyəti haqqında mövcud qanunvericilik yoxdur, bu münasibətlər Mülki Məcəllə ilə tənzimlənir.
"Ümumi yığıncaqdan sonra ALŞA lizinq qanunvericiliyinin müzakirəsi üçün daha təsirli dairələrə çıxmağı planlaşdırır", - deyə Zeynalov söyləyib.
Azərbaycanın Lizinq Şirkətləri Assosiasiyası 27 oktyabr 2004-cü ildə Ataleasing, Unileasing, Muganleasing şirkətləri tərəfindən təsis olunub.
