Azərbaycan, Bakı / Trend , müxbir Ü.İsmayılova/ Cümə axşamı "Qomeldrev"in iqtisadiyyat və marketinq üzrə baş direktorunun müavini Nikolay Gevrasevin verdiyi məlumata görə, cümə günü Bakıda , Azərbaycanda mebel istehsalını həyata keçirmək məqsədilə , Azərbaycan-Belarus birgə müəssisəsinin yaradılması ilə bağlı danışıqlara başlanacaq.
Belarusnn "Qomeldrev" ASC şirkətinin nümayəndə heyəti bu gün Azərbaycanın "Azles İxrac-İdxal"şirkəti ilə Azərbaycanda mebel istehsalının həyata keçirilməsinə dair razılaşmanın imzalanması məqsədilə Bakıya gələcək.
Gevrasevin sözlərinə görə, istehsal olunacaq mebel ağac oduncağı kütləsindən hazırlanacaq. Avqust ayında "Qomeldrev" ASC şirkətinin səhmdarlarının iclasında Bakıda mebel salonunun açılması ilə bağlı qərar qəbul olunub. Əvvəllər isə , müəssisə Azərbaycana faner və kibrit ixrac edib.
"Qomeldrev" Belarusun ağac emalı və faner-kibrit kombinatı və meşə sənayesi təsərrüfatının daxil olduğu iri mebel müəssisələrindən biridir. Müəssisənin istehsal etdiyi məhsullara ofis mebeli , yataq otağı dəstləri, qonaq və yemək otağı üçün dəstlər, şkaflar, stollar, stullar, karnizlər daxildir.
