Azərbaycan, Bakı / Trend müxbir İ.Xəlilova / Azərbaycanın energetika sistemində islahatların davam etdirilməsi nəticəsində 3-6 ay ərzində istifadə olunan elektrik enerjisinə görə yığımların səviyyəsi 100%-ə qədər artacaq, bu barədə bazar ertəsi Azərbaycanın iqtisadi inkişaf naziri Heydər Babayev məlumat verib. Bununla əlaqədar olaraq nazir hesab edir ki, Cənubi Koreyanın KEPKO şirkəti tərəfindən reallaşdırılan və dəyəri 1 mlrd. dollar olan müstəqil elektrik stansiyasının tikintisinə qoyulan investisiyalardan mənfəət götürmək olar.
Nazirin sözlərinə görə, Bakı elektrik şəbəkəsi üzrə yığımın artması ilə bərabər, elektrik enerjisinin istehlakı aşağı düşür ki, bu da müsbət amil hesab olunur. "Biz elektrik enerjisinin istehsalı zamanı istifadə olunan şərti yanacağın həcmini azaltmağa çaılışırık ki, bu yanacağı digər sahələrə yönəldək" - deyə Babayev bildirib.
Sumqayıt elektrik şəbəkəsinin fəaliyyətindəki problemləri aradan qaldırmaq məqsədilə, avqust ayında kadr dəyişiklikləri aparılıb. İslahatlar çərçivəsində, prezident Sumqayıt və Şəki elektrik şəbəkələrinin idarəetməyə verilməsi ilə bağlı sərəncam imzalayıb.
2002-ci ildən Bakı və Sumqayıt elektrik şəbəkələri Türkiyənin "Barmek" şirkətinin idarəsinə verilib, lakin müqavilə öhdəliklərinini həyata keçirilməməsi ilə əlaqədar olaraq, 2006-cı ildə müqavilə pozulub.
