...

"Azəri-Çıraq-Günəşli" neft layihəsi çərçivəsində sonuncu platformanın tikintisi başa çatdırılıb

Energetika Materials 24 Sentyabr 2007 17:36 (UTC +04:00)

Trend-i buradan izləyin

Azərbaycan, Bakı/" TendCapital ", müxbir S.Əliyev/ Azərbaycan Beynəlxalq Əməliyyat Şirkəti (ABƏŞ) Dərinsulu Günəşli platformasının dayaq blokunda müvaiq mühəndis-texniki qurğuları ilə "Mərəhələ-3" layihəsində qaz çıxarılması və su vurulması üçün yuxarı platformanın quraşdırılmasını başa çatdırıb. Layihənin operatoru - BP-nin məlumatında bildirilir ki, bu platforma "Azəri-Çıraq-Günəşli" yatağının tam həcmdə işlənilməsi layihəsinin bir hissəsidir.

Amec-Azfen-Tekfen alyansının ATA meydançasında hazırlanan qurğu, öncə quraşdırılmış yaşayış bloku və qazma qurğusuna birləşdirilib.

Platforma "Dərinsului Günəşli" yatğında 175 m dərindlikdə quraşdırılıb.

"Dərinsulu Günəşli" yatağında ilk neftin 2008-ci ildə alınması planlaşdırılır. Bu, "Azəri-Çıraq-Günəşli" dəniz yataqlarından ümumi neft hasilatını sutkada bir milyon barreldən çox artırmağa imkan verəcək.

BP-nin vitse-prezidenti, əsas istehsal layihələrinin rəhbəri Brüs Lüberski söyləyib: "Bu qurğunun quraşdırılması nəticəsində, bizim yeddi illik gərgin tikinti fəaliyyətimiz, demək olar ki, yekunlaşıb. Bu fəaliyyətə bir çox ölkələrin nümayəndələri cəlb olunmuşdular ki, nəticədə də "AÇG" yatağının tam həcmdə işlənilməsi üçün dünya səviyyəli altı platforma quraşdırılıb.

Azəri-Çıraq-Günəşli yatğının hasilatı üzrə tərəfdaşlar: BP (operator - 34,1%), Chevron (10,3%), ARDNŞ (10,0%), INPEX (10,0%), Statoil (8,6%), ExxonMobil (8%), TPAO (6,8%), Devon (5,6%), Itochu (3,9%), Hess (2,7%).

Xəbər lenti

Xəbər lenti