Azərbaycan, Bakı, 28 yanvar / " , müxbir S.Əliyev / Azərbaycan Dövlət Neft Şirkəti 2008-ci ildə öz yataqlarında və perspektiv strukturlarında qazma işlərinin həcmini artıracaq, ARDNŞ-dən bildirilib.
Ötən il ARDNŞ-ın qazma işləri üzrə proqnozu 189,5 min metr təşkil edib. Reallıqda isə 190 min metr qazılıb. Bu il Dövlət Neft Şirkəti bu göstəricini artırmaq niyyətindədir.
Hazırda şirkət dəniz yataqlarında şəxsi qazın hasilatının artırılması üzrə proqramı həyata keçirir. Bu, əsasən "Günəşli", "Bulla-dəniz", "8 mart" və digər yataqlarda aparılan qazma işləri nəticəsində əldə edilir. Şirkət həmçinin yeni quyuların qazılması sayəsində hazırkı neft hasilatı həcmini qətiyyətlə qoruyur.
Bu il axtarış-kəşfiyat qazıntıları davam etdiriləcək. Kəşfiyat qazıntı işləri əsasən "Ümid" perspektiv strukturunda aparılır. Bu il "Ümid" perspektiv strukturunda platforma quraşdırılacaq. Qazıntı işləri "Türkan", "Cahandar" sahələrində, "Pirallahı", "Abşeron" və digər yataqlarda da aparılacaq.
2007-ci ildə ARDNŞ 190376 metr həcmində qazma işləri həyata keçirib. Bu göstərici 2006-cı ilə nisbətən 38882 metr çoxdur. 2007-ci ildə istismar qazıntı işlərinin həcmi 185234 metr təşkil edib. Bu göstərici 2006-cı ilə nisbətən 35957 metr çoxdur. 2007-ci ildə kəşfiyat qazıntı işləri 5142 metr olub, bu da 2006-cı ilin göstəricisindən 2925 metr çoxdur.