Qazaxıstan, Astana, 08 fevral/ Trend , müxbir K.Konırova/ Qazaxıstanın milli şirkəti "KazMunayqaz" Batumi Qara dəniz limanının idarəyə verilməsi imkanlarını nəzərdən keçirir. Bu barədə cümə günü Astanada, şirkətin vitse-prezidenti Daniyar Berlibayev mətubat konfransında məlumat verib.
Onun sözlərinə görə, Rumıniyanın Rompetrol şirkətinin Konstansa dəniz limanının idarə edilməsində böyük təcrübəyə malikdir və Batumi limanının Rompetrol-un idarəsinə verilməsi imkanı var.
"Lakin bu məsələ, hələ ki, həll edilməyib və işçi versiyadır", -Berlibayev bildirib.
Rompetrol-un Baş direktoru Dinu Patriçiu cümə günü bildirib ki, Gürcüstanın Batumi Qara dəniz limanı və Rumıniyanın Konstansa limanı Qazaxıstan və Avropa arasında enerji körpüsü ola bilər.
""KazMunayqazom" Batumi terminalını aldıqdan dərhal sonra biz Konstansadakı neft emalı zavodumuzun yaxınlığındakı terminalın inkişaf etdirilmısinə başladıq", - Patriçiu bildirib. Onun rəyinə görə, bu, Avropanın enerji təhlükəsizliyinin təmin edilməsi üçün alternativ marşrutlardan biridir.
"Bu gün "Nabukko" layihəsindən (qaz kəməri) çox danışırlar. Lakin düşünürəm ki, "Cənub axını" layihəsindən danışmaq daha real olar. Bu gün Avropaya alternativ gətirəcək istənilən şirkət günün qəhrəmanı ola bilər. Bizim bu gün belə potensialımız var və birgə layihələrin reallaşdırılması haqqında danışa bilərik. Bu, Batumi və Konstansadan tanker daşınmaları və ya Qara dənizin dibi və ya sahili ilə qaz kəmərinin tikintisi ola bilər", - Patriçiu bildirib.
Fevralın əvvəlində Danimarkanın "Qrinouk qrupp" şirkəti Gürcüstandakı biznesini "Kazmunayqaz"-a satıb. "Qrinouk qrupp" Batumi neft terminalını və "Batumi dənzi limanı"-nı satıb. 2006-cı ildə "KazMunayQaz" SC-nin "KazTransOyl" SC törəmə şirkəti və Batumi neft terminalı ("Batumi Oil Terminal") birlikdə "Batumi Terminals" müəssisəsini təsis ediblər. Batumi terminalının gücü ildə 15 mln. tondan çoxdur.