Azərbaycan, Bakı, 19 fevral/ Trend , müxbir V.Şərifov/ Azərbaycanın Dövlət Neft Şirkəti və Fransanın Total şirkəti, hələ ki,"Abşeron" dəniz bloku layihəsinin kəşfiyyatı və işlənilməsi üzrə razılığa gəlməyiblər.
"Danışıqlar memorandum çərçviəsində aparılır və onun müddəti bu günlərdə bitəcək. Biz əsas (mübahisəli) məqamları həll etməsək, memorandum uzadılmayacaq", - çərşənbə axşamı ARDNŞ-dən bildiriblər. Memorandum 2007-ci ilin fevralında bağlanıb.
Mübahisəlilər arasında PSA tipli gələcəkdə mümkün ola biləcək layihənin texniki və kommersiya hissələri üzrə məqamlar var.
Bir müddət əvvəl "Abşeron" blokunda Amerikanın ChevronTexaco şirkətinin operatoru olduğu Şirkətlər Konsorsiumu işləyib. Bu müqavilədə Total da iştirak edib. Lakin quyu qazıldıqdan sonra, yataqda aşkar edilən ehtiyatlar kommersiya baxımından cəlbedici hesab edilməyib.
ARDNŞ-də sahənin ehtiyatlarının dəqiqləşdirilməsi üçün "Abşeron"-da əlavə kəşfiyyat əməliyyatlarının aparılmasına ehtiyac olduğunu hesab edirlər.
