Azərbaycan, Bakı, 20 fevral / Trend , müxbir S.Əliyev/ Hazırda Xəzərin Azərbaycan hissəsində yerləşən "İnam" perspektivli dəniz strukturunda kəşfiyyat quyusunun dərinliyi 3947 metrdən çoxdur. Bu barədə layihəyə yaxın mənbəndən məlumat verilib. Qazma "İstiqlal" qazma qurğusu ilə həyata keçiriilr və cədvələ əsasən, 200 gün davam edəcək. Quyunun layihə dərinliyi 5300 metrdir.
Hazırda qazma "Suraxanı sviti"nin aşağı üfüqündə aparılır və hazırda quyuya 13 düymlü bünövrə sütunu buraxılacaq.
Ekspertlərin sözlərinə görə, hazırda bu quyunun qazılması zamanı qazıma qarışığının sıxlığı bir kub santimetrə 2,08 qram təşkil edir ki, bu da təxminən 1000 atmosfer dərəcəsində yüksək buxar təzyiqinin olmasına dəlalət edir.
"Balaxanı sviti" və "Fasilə sviti"nin aşağı məhsuldar üfüqlərində lay təzyiqlərinin "Sabunçu" və "Suraxanı" svitlərinin yüxarı üfüqlərindəki lay təzyiqlərindən aşağı olacağı gözlənilir. Quyunun qazılması zamanı 1 kvadrat metrə 15000 funt təzyiq üçün hesablanmış tullantı əleyhinə cihazdan istifadə olunur.
Əvvəllər "BP Azerbaijan" şirkəti ("İnam" layihəsinin operatoru) texniki səbəblərdən, bu quyunun ilk lüləsinin qazımasının dayandırıb və yenisini qazmağa başlayıb. Quyunun noyabrın ortalarında başlanan ilk lüləsinin qazılması üzrə qazma podratçısı 500 metr dərinlikdə bünövrə sütunun buraxılması zamanı texniki çətinliklə üzləşib.
Quyu Bakıdan 140 km cənubda, təxminən 225 kvadrat metrlik müqavilə sahəsində qazılır. Müqavilə sahəsində mədən sularının dərinliyi şimalda 45 metrdən cənubda 200 metrə qədər dəyişir. Minimal dərinlik dörd metrdir.
"İnam" layihəsinin iştirakçıları ARDNŞ (50 faiz), BP (25 faiz, layihənin operatoru), Koreyanın Milli Neft Şirkəti (20 faiz) və Shell (5 faiz) şirkətidir.
Müəlliflə əlaqə saxlamaq üçün elektron ünvan: capital