Azərbaycan, Bakı, 05 aprel / Trend / Yanvar-mart aylarında yanacaq qismində istifadə üçün "Azərenerji" SC-yə 1 mlrd.155,8 mln. kubmetr qaz verib. Bu barədə ARDNŞ-ın məlumatında deyilir.
Yanvar-mart aylarında Azərbaycan Neft Şirkətinə təhvil verilmiş 569,3 mln. kub.m qazın ümumi həcmindən, "Azəri-Çıraq-Günəşli" yatağından hasil olunan səmt qazının payına 199,1 mln. kubmetr və "Şahdəniz" yatağından hasil olunan qazın payına 387,3 mln. kubmetr düşür.
Proqnozlara görə, 2008-ci ildə "Azərenerji" 5,557 mlrd. kubmetr qaz əldə edəcək ( ARDNŞ tərəfindən SC-yə təhvil verilən qaz ilin əvvəlinə proqnozlaşdırılan həcmlərlə müqayisədə 117 mln. kubmetr azalıb). "Azərenerji"nin bu il əldə edəcəyi ARDNŞ qazının ümumi həcmindən 3,448 mlrd. kubmetrindən "AÇG"nin payına - 7750 mln.kubmetr, "Şahdəniz"in payına isə 1,359 mlrd. kubmetr qaz düşür.
Azərbaycanda keçən ilin aprel ayından dövlət müəssisələri arasında qaz əməliyyatları üzrə qarşılıqlıhesabat sxemi dəyişdirilib. Azərbaycan Neft Şirkəti şəxsi qazını birbaşa olaraq "Azərenerji" SC-yə satır. Əvvəllər ARDNŞ bu əməliyyatı "Azəriqaz" vasitəsilə həyata keçirirdi.
Neft Şirkəti qazı 1 min kubmetrini 42 manata "Azəriqaz" Səhmdar Cəmiyyətinə satırdı ki, o da öz növbəsində elektrik enerjisinin istehsalında lazım olan yanacağı "Azərenerji" üçün reallaşdırırdı.
"Azərenerji" tədarük olunan yanacağın haqqını tam ödəyə bilmədiyindən, "Azəriqaz"ın da öz növbəsində ARDNŞ-a borcları yaranırdı. Hazırda "Azəriqaz" ancaq qazın elektrik stansiyalarına nəqli ilə məşğuldur.
