Azərbaycan, Bakı, 22 aprel/ Trend / Azərbaycan Mərkəzi Asiyadan Avropaya qaz nəqlinin təmin edilməsi üçün infrastruktura malikdir və onu təqdim etməyə hazırdır. Bu barədə çərşənbə axşamı ABŞ Dövlət Katibinin müavini Ruben Cefri ilə görüşü zamanı ARDNŞ prezidenti Rövnəq Abdullayev məlumat verib.
Ruben Cefri qeyd edib ki, Azərbaycanın Dövlət Neft Şirkəti regionda əhəmiyyətli şirkətlərdən biridir.
Görüş zamanı ARDNŞ prezidenti bildirib ki, bu il Azərbaycan öz vəsaitləri hesabına "Ümid" yatağının işlənilməsinə başlayıb, digər strukturlarda axtarış-kəşfiyyat işlərinin aparılması planlaşdırılır.
Cefri ABŞ-ın gələcəkdə də Azərbaycanın həyata keçirəcəyi enerji layihələrini dəstəkləyəcəyini bildirib.