Azərbaycan, Bakı, 07 may / Trend , müxbir A.Bədəlova/ Azərbaycanın AZERI LT CIF Augusta növlü neftinin mayın 6-da qiyməti 1 barel üçün 122,27 dollara çatıb. 1997-ci ildən yüngül neft hasil edən Azərbaycan Dövlət Neft Şirkətindən çərşənbə günü verilən məlumata görə, çərşənbə axşamı qiyməti bazar ertəsinə nisbətdə 1 barel üçün 3,03 dollar artıb.
Azeri Light neft növü Azərbaycanın "Azəri-Çıraq-Günəşli" yatağından çıxarılır. Neft digər növlərlə qarışdırılmadan Bakı-Tbilisi-Ceyhan (BTC) boru kəməri ilə Türkiyənin Ceyhan limanına, Bakı-Supsa kəməri ilə Gürcüstanın Supsa və dəmir yolu ilə Batumi limanlarına çatdırılır.
ARDNŞ-dən bildiriblər ki, AZERI LT FOB Ceyhan-nın mayın 6-da qiyməti 1 barel üçün 120,93 dollar təşktiledib. Bu, əvvəlki qiymətdən 3,9 dollar çoxdur.
Azərbaycan neftin URALS növünü də Novorossiysk limanından satır. Buraya xammal Bakı-Novorossiysk boru kəməri ilə çatdırılır. Keyfiyyətli Azərbaycan nefti Rusiyanın boru kəmərləri şəbəkəsində digər növlərlə qarışdırılır və Novorossiysk limanında URAL adı ilə satılır. Bu növ, spesifikasiyasına görə, Azərbaycan neftindən keyfiyyət və qiymətcə aşağıdır.
Mayın 6-da URALS neftinin qiyməti 1 barel üçün 113,54 dollar təşkil edib. Bu, əvvəlki qiymətdən 3,23 dollar artıqdır.
Analoji vəziyyt Şimal dənizindən hasil edilən neftin Brent Dated etalon növünə də aiddir. Brent Dated neftinin mayın 6-da qiyməti 1 barel üçün 119,63 dollar təşkil edib. Bu əvvəlki qiymətdən 3,13 dollar çoxdur.
