Azərbaycan, Bakı, 07 may / Trend / Cari ilin yanvar-aprel aylarında "Azəriqaz" Qapalı Səhmdar Cəçmiyyəti (Azərbaycan ərazisində qaz bölgüsü ilə məşğul olur ) sisteminə 1,9 mlrd. kub metrdən çox təbii qaz daxil olub. Bu göstərici ötən ilin analoji dövründə 2,4 mlrd. kub metrdən artıq təşkil edib. Bu barədə Azərbaycan Dövlət Neft Şirkətinin (ARDNŞ) məlumatında bildirilir. Paylayıcı şəbəkədə qaz tədarükü üzrə bu dövr üçün nəzərdə tutulan proqnoz 5,7 mlrd. kub metri üstələyir.
ARDNŞ respublikanın paylayıcı şəbəkəsində əsas qaz tədarükçüsüdür. Yanvar-aprel aylarında ARDNŞ ötən ilin analoji dövrünün 1397 mln. kub metrinə nisbətdə 1441 mln. kub metr qaz tədarük edib. ARDNŞ cari ildə "Azəriqaz"a ümumilikdə 3,55 mlrd. kub metrdən çox qaz tədarük etmək niyyətindədir.
Yanvar-aprel ayları ərzində "Azəri"-"Çıraq"-"Günəşli" yatağından ölkənin qaz nəqli sisteminə təxminən 246,5 mln. kub metr qaz verilib. Bu göstərici ötən ilin analoji dövründə 738,5 mln. kub metr təşkil edib. Cari ildə bu yataqlardan qaz tədarükü üzrə proqnozlar 637 mln. kub metr təşkil edir.
Yanvar-aprel aylarında "Şah dəniz" qaz kondensat yatağından "Azəriqaz" sisteminə təxminən 247 mln. kub metr qaz daxil olub. Bu göstərici ötən ilin analoji dövründə təxminən 282 mln. kub metr təşkil edib. Bu yataqdan cari ildə ümumilikdə 1,5 mlrd. kub metrdən çox qaz daxil olub.
