Azərbaycan, Bakı, 20 iyun / Trend , müxbir E.İsmayılov/ Qaradağda yeraltı qaz anbarında saxlama həcminin artırılması məqsədi ilə səkkiz quyuda təmir işləri başa çatdırılıb.
Azərbaycan Dövlət Neft Şirkətinin (ARDNŞ) geologiya, geofizika və yataqların işlənməsi məsələləri üzrə vitse-prezidenti Xoşbəxt Yusifzadə cümə günü bildirib ki, qaz anbarında quraşdırıldacaq kompressor stansiyalarının əldə edilməsindən sonra, qaz anbarında qazsaxlama həcmi artacaq. Hazırda digər quyularda da təmir işləri aparılır.
Yusifzadə bildirib ki, 2015-ci ilədək Azərbaycanda qaz hasilatı həcmi 42 mlrd. kubmetrədək artacaq və buna görə də, "Bahar" qaz yatağı bazasında daha bir yeraltı qaz anbarının tikilməsi lazımdır. Bu yatağın ehtiyatları əhəmiyyətli dərəcədə işlənib. "Bahar" yatağının istismarı ilə müstəqil olaraq ARDNŞ məşğul olur. "Hazırda yeni qaz anbarının yaradılması məsələsi müzakirə olunur", - deyə Yusifzadə bildirib.
Azərbaycan, ixrac boru kəmərlərinin işinin dayandırılarsa, yataqlarda fasiləsiz qaz hasilatını təmin etmək məqsədi ilə əlavə qaz anbarının tikilməsi imkanlarını nəzərdən keçirir. Təxmini həcm 5-6 mlrd. kubmetr təşkil edə bilər. Lakin yeni qaz anbarının daha səmərəli tutum gücü 10 mlrd. kubmetrdir.
İndi Azərbaycan Qaradağ və Kalmaz qaz anbarını istismar edir. Ötən il bu qaz anbarlarına 1 mlrd. kubmetrdən çox qaz vurulmuşdu. Bu qaz həcmi 2007-2008-ci illər payız-qış dövründə ölkə abunəçilərinin təminatında istifadə olunub. Ötən dövrdə (2006-2007-ci illər) qaz anbarlarına 1,024 mlrd. kubmetr qaz vurulmuşdu.
Azərbaycanda qaz hasilatı ilə ARDNŞ məşğul olur. Şirkət öz vəsaiti hesabına yataqlardan yanacaq hasil edir. ARDNŞ tərəfindən hasil edilən qazın böyük hissəsi Azərbaycanın daxili bazarının tələbatının ödənilməsinə yönəldilir, sutkada 1,5 mln. kubmetr qaz isə, Gürcüstana ixrac edilir.
Qaz BP-nin texniki operatorluğu altında ARDNŞ-nin işttirakı ilə xarici tərəfdaşlar tərəfindən "Şahdəniz" yatağından da hasil edilir. Qaz Azərbaycan bazarına, Cənubi Qafqaz qaz kəməri ilə Gürcüstan və Türkiyəyə də nəql olunur.
Məqalə müəllifi ilə əlaqə ünvanı: capital
