Azərbaycan, Bakı, 04 iyul / Trend , müxbir E.İsmayılov/ Azərbaycanda bir kubmetr suyun istehsalının maya dəyərində elektirik enerjisi dəyərinin payı dünya ölkələrindəkinə nisbətən iki dəfə çoxdur. Bu barədə cümə günü "Azərsu" Açıq tipli Səhmdar Cəmiyyətinin rəhbəri Nizaməddin Rzayev bildirib.
"Dünyada bir kubmetr suyun maya dəyərində elektrik enernjisinin payı təxminən 20 faiz təşkil edirsə, bizdə bu rəqəm 43-44 faizdir", - deyə Rzayev vurğulayıb.
ASC-nin elektirik enerjisindən istifadəyə görə borclanmasının səbəbi əhaliyə verilən suya görə toplanılan vəsaitlərin az olmasıdır. Altı ay ərzində su istifadəsinə görə istehlakçılardan vəsait yığımı 44 faizə çatdrılıb.
"Bu bizə istifadə etdiyimiz elektirik enerjisinin pulunu ödəməyə imkan vermir", - deyə Rzayev bildirib.
Ötən ilin ilk beş ayında "Sumqayıtelektrikşəbəkə" ASC-nin tədarük olunan elektrik enerjisinə görə ödənişi 359,4 min manat təşkil etmişdisə, cari ildə bu rəqəm 1,15 mln. manat (üç dəfə artıq) təşkil edib.
"Azərsu" ASC - nin elektirik enerjisindən istifadəyə görə 2008-ci il yanvarın 1-nə olan borcu təxminən 38 mln. manat olub. Yanvar- aprel ayları ərzində bu həcm daha 3,45 mln. manat artıb.
Məqalə müəllifi ilə əlaqə ünvanı: Capital
