Azərbaycan, Bakı, 19 iyul/ Trend , müxbir E.İsmayılov/ Azərbaycan Dövlət Neft Şirkətinin Heydər Əliyev adına Bakı Neft Emalı Zavodu (BNEZ) uyulun 20-də dizel yanacağının qələvi ilə təmizlənməsi üzrə yeni qovşağı istismara verəcək. Qurğu artıq sınaq yoxlamasından keçib.
Dizel yanacağının qələvi yolu ilə təmizlənməsi qələvi tullantılarından təkrar isitfadə etməklə kaustik sodadan istifadəni azaltmağa imkan verəcək.
Zavodun nümayəndəsi bildirib ki, tikintisi artıq başa çatan dizel yanacağının qələvi ilə təmizlənməsi üzrə yeni qovşağın gücü ildə 1 mln. ton təşkil edir.
Bu il zavodda ARDNŞ-ın tədarük etdiyi 5 mln. ton nefti emal etmək nəzərdə tutulur. ARDNŞ nefti şəxsi vəsaitləri hesabına yataqlardan hasil edir. Yanvar-iyunda BNEZ-də 2,3 mln. tondan çox neft emal edilib. 2008-ci ilin birinci yarımilində zavodda 1,1 mln. tondan çox dizel yanacağı istehsal edilib. 2007-ci ilin yanvar-iyununda bu rəqəm 625 min ton olub.
Müəlliflə əlaqə saxlamaq üçün elektron ünvan - [email protected]
