...

Bakı-Supsa boru kəməri ilə neft ixracı yaxın vaxtlarda bərpa olunacaq

Energetika Materials 8 Avqust 2008 13:13 (UTC +04:00)

Azərbaycan, Bakı, 08 avqust/ Trend / Bakı-Supsa boru kəməri ilə Gürcüstanın Supsa Qara dəniz limanına nəql edilmiş birinci neft partiyası gələn həftənin sonunadək göndəriləcək. Bu barədə bazardakı mənbələr məlumat verib.

Bakı-Supsa boru kəmərinin operatoru Azərbaycan Beynəlxalq Əməliyyat Şirkətidir (ABƏŞ). Öz növbəsində ABƏŞ-in opertoru isə BP şirkətidir. Hazırda BP əvvəllər təmirdə olan boru kəmərinin doldurulması üzrə iş aparır.

Bakı-Supsa boru kəməri 2006-cı ilin sonunda təmirə dayandırılıb. Bu boru kəmərində təmir və tikinti işlərinin dəyəri təqribən $55 mln. təşkil edir.

Almaniyanın MLG şirkəti BP-nin sifarişi ilə Gürcüstanın Zestafoni rayoununda neft kəmərinin təqribən 1 km uzunluğunda dövrələmə hissəsinin tikintisini başa çatdırıb. ABƏŞ bu sahədə iki dəfə torpağın monitorinqini aparıb. Kiçik sürüşmə aşkar edilib ki, bu da boru kəmərində dövrələmə hissənin tikintisini zəruri edib.

Azərbaycan ərazisində boru kəmərində işlər zamanı Kür çayından keçidlərdən biri yenidən tikilib. Bundan əlavə, neft kəmərinin Gürcüstan ərazisində hələ sovetlər zamanında tikilən hissəsində də işlər aparılıb.

Bakı-Supsa boru kəməri təmirə dayandırılanadək, bu boru kəməri ilə ABƏŞ-in "Azəri-Çıraq-Günəşli" yataqlar blokundan hasil etdiyi yüngül neft nəql edilib.

Xəbər lenti

Xəbər lenti