Azərbaycan, Bakı, 12 sentyabr / Trend , müxbir E.İsmayılov/ Azərbaycan Dövlət Neft Şirkətinin (ARDNŞ) Dübəndi-Böyük Şor-Sumqayıt və Dübəndi-Böyük Şor neft kəmərlərində təmir işlərinin aparılması və məntəqələrin əvəzlənməsi ilə əlaqədar kiçik nef axmaları müşahidə olunur. Bu barədə cümə günü layihəyə yaxın məlumatlı mənbədən bildiriblər.
Cüzi miqdarda neft axması çərşənbə günü Dübəndi-Böyük Şor-Sumqayıt boru kəmərinin 31 kilometrliyində və Dübəndi-Böyük Şor boru kəmərinin 59,5 kilometrliyində müşahidə olunub. Cümə axşamı analoji axma Dübəndi-Böyük Şor boru kəmərinin 42,3 kilometrliyində qeydə alınıb.
"Analoji neft axmaları çərşənbə günü və cümə axşamı müşahidə olunub və qarşısı alınıb, hazırda analoji hallar qeydə alınmayıb", - deyə mənbə bildirib.
Azərbaycan KİV-nin yazdığına görə, cümə günü Bakı vaxtı ilə saat 10:00-da Bakının Abşeron rayonunda yerləşən "Neapol" istirahət zonasının yaxınlığında neft axması aşkar olunub.
Mənbə bu faktı təsdiq etməyib. "Bu gün belə bir hadisə qeydə alınmayıb", - deyə ARDNŞ-dan bildiriblər.
Məqalə müəllifi ilə əlaqə ünvanı - capital
