Ukrayna, Kiyev, 26 sentyabr/ Trend , müxbir Z.Novosvitski/Ukrayna prezidenti Viktor Yuşşenko hökumətdən Rusiya Federasiyası ilə 2009- cu il üçün qazın qiymətinin formalaşdırılması ilə bağlı rəsmi danışıqlara başlamağı tələb edib.
Dövlət rəhbərinin mətbuat xidmətinin verdiyi məlumata görə, Yuşşenko cümə günü Ukraynanın Milli Təhlükəsizlik və Müdafiə Şurasının iclasında çıxış edərək qeyd edib ki, Nazirlər Kabinetindən rəsmi danışıqlara başlamağı tələb edir.
"Bu məsələ ilə bağlı hökumətin verdiyi bəyanatlar direktivlərlə izah edilməli və formalaşdırılmalıdır. Biz bu ağır danışıqları pozmaq yox, gün-gündən aparmaqda davam etməliyik", - prezident bildirib.
Kütləvi informasiya vasitələrinin məlumatına görə, Ukrayna və Rusiya Baş nazirləri Yuliya Timoşenko və Vladimir Putinin görüşü sentyabrın sonuna Moskvada planlaşdırılıb.
Timoşenko isə, sentyabrın 22-də bəyan edib ki, yaxın həftələrdə Rusiya tərəfi ilə Ukraynaya qazın tədarükü ilə bağlı danışıqlar aparmağı nəzərdə tutub.
