Azərbaycan, Bakı, 06 oktyabr/ Trend / SOCAR (Azərbaycanın Dövlət Neft Şirkəti) 2008 - ci ilin yanvar - sentyabrında Bakı - Tbilisi - Ceyhan boru kəməri ilə təxminən 16,1 mln. ton neft ixrac edib. Ötən ilin analoji dövründə bu rəqəm təxminən 4,7 mln. ton olub, - şirkətin məlumatında bildirilir.
SOCAR 2006 - cı ildə Bakı - Tbilisi - Ceyhan boru kəməri marşrutu ilə 1 mln. 403 min tondan çox neft ixrac edib.
Yanvar - sentyabrında Bakı - Supsa boru kəməri ilə təxminən 77 min ton neft ixrac edilib. Ötən ilin analoji dövründə boru kəmərində təmir işləri ilə əlaqədar bu marşrutla neftin ixracı həyata keçirilməyib.
Yanvar - sentyabrda dəmir yolu ilə Gürcüstanın Batumi Qara dəniz limanı istiqamətində bu göstərici, ötən ilin analoji dövrünün təxminən 221,3 min ton göstəricisinə qarşı, təxminən 326 min ton neftə bərabər olub.