Qazaxıstan, Almatı, 09 oktyabr/ Trend , müxbir K.Konırova/ Qazaxıstan Xəzər şelfinin Türkmənistan hissəsində neft bloklarından birini almaq niyyətindədir. Bu barədə Trend -a energetika və mineral ehtiyatlar nazirinin müavini Ləzzət Kiinov məlumat verib.
"Biz şelfdə bloklardan brində kəşfiyyat aparmaq təklifi ilə çıxış etmişik. Onlar hələ ki, bizim xahişimizə anlayışlı yanaşırlar", - deyə Kiinov bildirib.
Qazaxıstan neftçilərinin qonşu ölkələrdəki layihələrə sərmayə yatırması nə dərəcədə məqsədə uyğundur sualına o belə cavab verib: "Sərmayələrin hər tərəfdən gəlməyini düzgün hesab edirəm və bu zaman sərmayədarları idarə etmək ölkə üçün asan olur".
Nazir müavininin sözlərinə görə, Qazaxıstan İranda, Fars Körfəzində aktivlərin alınmasında maraqlıdır, lakin bu hələ ki, yalnız "danışıqlar səviyyəsindədir".
Kiinov bildirib ki, İran mövcud neft emalı zavodlarının (NEZ) cəlb edilmməsi və ya yeni NEZ-in tikilməsi təklifi ilə çıxış edib.
"İki variant var: fəaliyyətdə olan NEZ, yaxud yenisinin tikilməsi, lakin hələ ki, bu məsələ nəzərdən keçirilir", - deyə o bildirib.
Məqalə müəllifi ilə əlaqə ünvanı - [email protected]
