Azərbaycan, Bakı, 14 oktyabr/ Trend , müxbir E.İsmayılov/ 2009 - cu ilin birinci rübündə SOCAR-ın Gürcüstanın Kulevi limanındakı neft terminalının rəhbərliyi limana aparan kanalın dibinin dərinləşdirilməsi işlərini başa çatdırmağı planlaşdırır. Bu barədə çərşənbə axşamı terminaldakı məlumatlı mənbədən bildiriblər. Bu işlər iri tonnajlı gəmilərin qəbul edilməsi məqsədi ilə aparılır.
"Dərinliyin artırılması və sahillərin möhkəmləndiliməsi üzrə işlər paralel aparılır və [2009-cu ilin] birinci rübün sonunadək işlər başa çatdrılmaldır", - deyə mənbə bildirib.
Mənbədən bildriblər ki, hazırda kanalın dərinliyi təqribən 14 metr təşkil edir. İşlər başa çatdıqdan sonra bu göstəricinin 18,5 metrədək çatdırılması planlaşdırılır.
Noyabrın 28 - dək terminal rəhbərliyi Kulevi terminalı istiqamətində gedən dəmir yollarının yenidən qurulmasının birinci mərhələsini başa çatdırmağı planlaşdrır. Mənbə bildirib ki, bu işlər Santredi stansiyasında aparılır, burada bəzi dəmir yolu xətləri yenidən qurulur.
Bu işlər başa çatdıqdan sonra (iki həftə ərzində) Aqurkarxan və Kvaloni dəmir yolu stansiyaları yaxınlığındakı dəmir yolu xətlərinin yenidən qurulması üzrə işlərə başlanacaq. Bu iki stansiya Santredi və Çaladidi stansiyaları arasında yrləşir. İikinci mərhələdə Çaladidən Kulevi terminalına ikinci əlavə dəmir yolunun tikintisi planlaşdırılır. Bu, qatarların terminala daxil olarkən bir, qayıdanda digər yol ilə hrəkət etməsinə imkan verəcək. Mənbə bildirib ki, indi Kulevi terminalına yalnız bir dəmir yolu gedir.
Santredi stansiyasında ümumi uzunluğu beş km olan altı dəmir yolu xətti yenidən qurulacaq. Aqurkarxan stansiyasında yenidən qurulacaq hissələrin uzunluğu 815 metr, Kvaloni stansiyasında isə 720 metr təşkil edəcək. Çaladidən Kulevi terminalınadək əlavə qolun tikintisinə 2009 - cu ilin əvvəlində başlanması planlaşdırılır. Terminaldan əvvəllər bildiriblər ki, bu dəmir yolu xəttinin uzunluğu 13 kilometr təşkil edəcək.
Məqalə müllifi ilə əlaqə ünvanı - [email protected]
