Azərbaycan, Qazax, 20 oktyabr/ Trend , müxbir T.Zaur/ "Hazırda Ağstafa rayonunda 39 yaşayış məntəqəsindən 10 kənd və 2 qəsəbədə ümumilikdə 6 minə yaxın abonent təbii qazla təmin olunub", - Ağstafa rayon Qaz İstismar İdarəsinin rəisi Elxan Məmmədov bildirib. İlin sonunadək bu göstəricinin səkkiz minə çatacağı gözlənilir.
Onun sözlərinə görə, bu ay Ermənistanla həmsərhəd olan Tatlı, Köhnə Qışlaq və Yaradulla kəndlərində ümumilikdə 513 abonentə qaz verilməsi başa çatıb. Qaz xətlərinin bərpası yekunlaşan digər Həsənsu, Eynulla və Köçəskər kəndlərinə noyabrda qazın verilməsi gözlənilir. Bu kəndlərdə qaz alacaq abonentlərin sayı 765 - dir.
Sözügedən 6 kənddə qat təchizatı işləri daxili vəsaitlər və bələdiyyələrin köməyi ilə görülür, - Məmmədov əlavə edib.
Dövlət vəsaitləri hesabına Aşağı Kəsəmən və Zəlimxan kəndlərinin də qaz təchizatının bərpa olunacağını deyən İdarə rəisi, bu yaşayış məntəqələrində 1000 - ə yaxın abonentin qaz ala biləcəyini bildirib. Qazlaşdırma işlərinə tender başa çatdıqdan sonra başlanılacaq.
Müəlliflə əlaqə saxlamaq üçün elektron ünvan:[email protected]
