...

Litva Xəzər neftinin Avropaya nəqlindən iqtisadi üstünlük qazanmaq niyyətindədir

Energetika Materials 23 Oktyabr 2008 19:30

Trend-i buradan izləyin

Azərbaycan, Bakı, 23 oktyabr/ Trend , müxbir Ü.İsmayılova/ Litva Xəzər, o cümlədən Azərbaycan neftinin Odessa - Brodı - Plotsk kimi boru kəməri marşrutları ilə Avropaya ixracında maraqlıdır, - Litvanın Azərbaycandakı səfiri Kestutis Kudzmanas bildirib.

Bu ixrac nəticəsində Avropanın digər ölkələrindəki enerji "boşluğunu" doldurulacaq. Bu isə, enerji daşyıcılarının bu məsələdə tamamilə Rusiyadan asılı olan Litvaya tədarükü ilə bağlı vəziyyəti xeyli yaxşılaşdıracaq.

"Əlbəttə, hətta Litvayadək çatmasa da, fayda böyükdür. Belə ki, siz enerji "boşluğunu" dolduracaqsınız., bizə Rusiya ilə razılığa gəlmək asan olacaq", - Kudzmanas bildirib.

Avropanın digər ölkələrində enerji ehtiyatlarına tələbatın azalması Rusiyadan enerji daşıyıcılarının tədarükü üzrə danışıqlarda Litvanın mövqeyini gücləndirəcək, - səfir bildirib. Kudzmanasın bildirdiyinə görə, Litva Azərbaycandan neft və qaz idxalında maraqlı olsa da, xüsusilə də enerji daşıyıcılarının çatdırılması marşrutları məsələsində çətinliklər var.

Odessa - Brodı layihəsi neftin Qara dəniz vasitəsilə Xəzər regionundan Ukraynaya çatdırılmasını və onun Odessa - Brodı kəməri ilə Polşanın Plotsk şəhərinədək nəqlini nəzərdə tutur.

Odessa - Brodı marşrutu ilə neftin nəqli layihəsinin realizə imkanlarının tədqiqi haqqında saziş Azərbaycan (SOCAR), Gürcüstan (Georgian Oil and Gas Corporation), Litva (Klaipedos Nafta), Polşa (PERN Przyjazn) və Ukraynanın ("Ukrtransneft" ASC) dövlət neft və neft nəqli şirkətləri arasında imzalanıb. Tədqiqatla, bu şirkətlərin hər birinin iştirak payı olan "Sarmatiya" müəssisəsi məşğul olur.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti