Azərbaycan, Bakı, 11 noyabr / Trend , müxbir İ.Əlizadə/ "2008 - ci ildə "Azəriqaz" Qapalı Səhmdar Cəmiyyəti (qazın nəqli və bölüşdürülməsi) Azərbaycanın dörd rayonuna qaz verilməsini bərpa edib". Çərşənbə axşamı QSC-nin rəhbəri Əlixan Məlikov belə deyib.
"Bu ilin yanvarından Ağcabədi, aprelindən Beyləqan, oktyabr ayından isə, Füzuli və Ağdam rayonlarına qaz verilməsi bərpa edilib. Hazırda Azərbaycanın bütün rayon mərkəzləri qazla təmin olunub. Qəsəbə və kəndlərin qazla təmin olunması ilə bağlı işlər davam etdiriləcək", - Məlikov bildirib.
Onun sözlərinə görə, bunun üçün qaz ehtiyatlarının olması zəruridir və bu istiqamətdə işlər davam edir. Bu günədək Qaradağ və Qalmaz anbarlarında 1,4 milyard kubmetr qaz (1,05 milyard qaz bu il vurulub, 380 milyon kubmetr isə, ötən ildən qalıb) saxlanılır", - Məlikov söyləyib.
"Bu qazın və SOCAP - dan (Azərbaycan Dövlət Neft Şirkətindən) alınan yanağacın hesabına ölkə abonentləri bu ilin payız - qış mövsümündə "mavi yanacaqla" tam təmin olunacaqlar",- QSC - nin rəhbəri vurğulayıb.
Məqalə müəllifilə əlaqə ünvanı: [email protected]
