Azərbaycan, Bakı, 14 noyabr/ Trend , müxbir A.Bədəlova/ Xəzər neft nəqli sisteminin yaradılması barədə imzalanan saziş (KCTS) TransXəzər layihəsinin birgə reallaşdırılma prinsiplərini, birgə layihə şirkətinin yaradılmasını müəyyən edir. Bu barədə Bakıda imzalanma mərasiminin yekununda "KazMunayQaz"ın prezidenti Kairgəldi Kabıldin bildirib.
KCTS üzrə saziş cümə günü SOCAR və "KazMunayQaz" şirkətləri arasında imzalanıb.
Onun sözlərinə görə, saziş TransXəzər sisteminin mərhələli inkişafını, maliyyələşdirilməsini, tariflərin formalaşdırılmasını müəyyən edir.
Birinici mərhələdə sistemdən istifadə sutkada 500 min barel neftin nəql olunmasına imkan verəcək, sonrakı mərhələlərdə isə nəql imkanları sutkada 750 - 1,200,000
barel neftə çatdırılacaq. Sistemin yaradılmsının 2012-ci ilin sonunadək başa çatdırılması planlaşdırılır.
Neftin əsas hissəsi Bakı-Tbilisi-Ceyhan neft kəməri ilə tədarük olunacaq.
Xammalın böyük hissəsi hasilatına 2013-cü ildə başlanacaq "Kaşaqan" yatağının payına düşəcək.
