Azərbaycan, Bakı, 18 noyabr / Trend , müxbir E.İsmayılov/ "Azəriqaz" QSC qaz nəqli xətlərində Gürcüstana Azərbaycan qazının nəqlinin artırılması çərçivəsində infrastrukturun bərpası ilə bağlı iş aparır, - çərşənbə axşamı QSC-dəki məlumatlı mənbə bildirib.
"Bir neçə aydır ki, Ağdaşdakı kompressor stansiyasının bərpası ilə bağlı işlər aparılır. Eyni zamanda yerlərdə boru kəməri də təmir olunur", - mənbə söyləyib.
Ötən həftənin sonunda Azərbaycanla Gürcüstan arasında 2009-cu ilin əvvəlindən etibarən növbəti beş il ərzində gürcü qaz bazarında SOCAR-ın fəaliyyətinin artırılmasına imkan verən müqavilə imzalanıb. Memoranduma əsasən, SOCAR layihənin reallaşması üçün Gürcüstan hökumətinin müəyyən etdiyi qaz istehlakçıları qrupunu (sosial qrupların) təmin edəcək törəmə müəssisə yaradır.
Gürcüstan hökumətilə SOCAR arasındakı müqavilə çərçivəsində hər gün bu boru kəmərilə 1,3-1,5 mln. kubmetr qaz nəql olunur. Bu boru kəmərilə qaz nəqlini artırmaq məqsədilə nəql olunan qazın maksimal təzyiqinin 20 atmosferədək artırılması nəzərdə tutulub. Hazırda bu təzyiq 10 atmosferdir.
Xeyli müddətdir işini dayandırmış kompressor stansiya bərpa olunur və zərurirət yaranarsa, o fəaliyyətə başlayacaq. "Hər şey qazın olmasından, onun həcmindən və təzyiqindən asılıdır", - mənbə deyib.
Gürcü tərəfi beş il ərzində qeydə alınan qiymətlərlə Gürcüstanın Rusiyadan, Cənubi Qafqaz boru kəməri vasitəsilə Azərbaycandan və Azərbaycanın "Şah dəniz" yatağından aldığı kommersiya qazını SOCAR-ın törəmə müəssisəsinə satacaq.
Məqalə müəlliflə əlaqə ünvanı: [email protected]
