Azərbaycan, Bakı, 20 noyabr/ Trend , müxbir E.İsmayılov/ Azərbaycanda Azmeco şirkətinin operatoru olduğu metanol istehsalı üzrə zavodun tikintisini 2010 - cu ilin birinci yarısında başa çatdırmaq planlaşdırılır, - cümə axşamı şirkətdən bildiriblər.
Yeni müəssisənin illik istehsal gücü 500 min ton metanola bərabər olacaq. Zavodun tikintisi zamanı ABŞ, Avropa və Rusiyanın istehsalı olan texnologiyalardan istifadə ediləcək. Hazır məhsul dünya bazarlarında satılması üçün Qara dəniz limanlarına nəql ediləcək, - şirkətin İnternet-saytında yerləşdirilmiş məlumatda bildirilir.
Layihə Avropa Yenidənqurma və İnkişaf Bankı və Nord Bank-ın iştirakı ilə reallaşdırılır. Zavod tikintisinin dünya ekoloji standartlarına uyğunluğu Dappolonia (İtaliya) və Jacobs (İngiltərə) şirkətləri tərəfindən yoxlanılır.
Azmeco şirkəti Azərbaycanda 2007- ci ildə yaradılıb və metanol istehsalı üzrə zavodun tikintisi və istismara verilməsinin operatorudur.
Müəlliflə əlaqə saxlamaq üçün elektron ünvan: [email protected]
