Azərbaycan, Bakı, 21 noyabr/ Trend / SOCAR şirkətinin Geofizika və Geologiya İdarəsi quruda və dənizdə aparılan işlərin səviyyəsinin artırılması üçün stasionar və özügedən karotaj qaldırıcıları alıb, - Idarənin cümə günü yayılan məlumatında bildirilir. Hazırda qurğular yoxlama sınaqlarından keçirilir.
Karotaj - qazma üsulu ilə quyuların öyrənilməsi və elektrik, maqnit, radioaktiv, akustik və digər üsulların köməyi ilə ölçmələrin aparılmasıdır.
Yeni avandalıq Hollandiyanın ASEP şirkətindən alınıb. Qaldırıcıların uzunluğu 6,06 m, hündürlüyü - 2,66 m, eni - 2,44 m, çəkisi - 11 tondan çoxdur. Qurğularda 7-8 min metr uzunluğunda 11-13 millimetrlik geofiziki kabellərdən istifadə ediləcək.
