Azərbaycan, Bakı, 24 noyabr / Trend , müxbir E.İsmayılov/ Xəzərin Azərbaycan sektorunda perspektivli D - 222 strukturunda ("Yalama") ikinci kəşfiyyat quyusunun qazılmasını yanvarın sonlarınadək yekunlaşdırmaq planlaşdırılır, - bazar ertəsi işlə bağlı mənbə bildirib.
"İşin gedişindən asılı olaraq, qazma yanvarın ortalarına və ya sonlarında yekunlaşa bilər", - mənbə bildirib.
Qazma Almaniyanın Maersk şirkətinə məxsus, Heydər Əliyev adına qazma qurğusunun köməyilə reallaşdırılır.
Hazırda quyunun dərinliyi 1730 metr təşkil edir. Bir neçə gün ərzində quyuya ondüymlük qoruyucu borunun buraxılması nəzərdə tutulur.
İkinci kəşfiyyat quyusunun dərinliyi 2650 metrdən çox olacaq. Bu quyu "Yalama"da dənizin 690 metr dərinliyində olan birinci kəşfiyyat quyusundan 22 kilometr aralıda qazılacaq.
2005 - ci ildə "LUKoyl" "Yalama" da 4400 metr dərinliyi, layihə dərinliyi 4500 metr olan birinci quyunu qazıb. Qazma gedişində az həcmdə, şirkət üçün kommersiya marağı kəsb etməyən karbohidrogen ehtiyatları aşkar olunub.
Heydər Əliyev adına qazma qurğusu 9 min metr dərinliyədək, suyun 1000 metr dərinliyində neft quyusunun qazılması üçün nəzərdə tutulub. Xəzərin ən dərin yeri 1025 metrdir, deməli, qurğu dənizin bütün akvatoriyasında işləyə bilər.
"Yalama" perspektivli strukturunda işləmələrlə bağlı müqavilə 1997- ci il iyulun 3 - də imzalanıb.
Bu layihənin iştirakçıları "LUKoyl", (65 faiz), SOCAR (Azərbaycan Dövlət Neft Şirkəti) şirkəti (20 faiz) və Gaz de France (15 faiz) - dir.
Müəlliflə əlaqə ünvanı: capital