Türkmənistan, Aşqabad, 28 noyabr/ Trend , müxbir S.Qurbanov/ Türkmənistan prezidenti Qurbanqulu Berdiməhəmmədov Aşqabadda Azərbaycan prezidenti İlham Əliyev ilə görüşdən sonra, zəngin təbii sərvətlərə malik iki dövlətin satış bazarlarının diversifikasiyasına bağlı olduqlarını bəyan edib.
"Bu iki dövlət ,həqiqətən də, zəngin karbohidrogen ehtiyatlarına malikdir. Bu məsələ üzrə bizim rəyimiz eynidir: biz açıq qapılar və diversifikasiya siyasəti mövqeyindən çıxış edirik", - deyə Türkmənistan prezidenti bildirib.
"Məmnunluqla qeyd etmək olar ki, Türkmənistan və Azərbaycan öz enerji təhlükəsizliklərini tam təmin ediblər..., lakin onlar digər ölkələrin enerji təhlükəsizliyinin təmin edilməsində də mühüm rol oynayırlar. Bu rolun gələcəkdə artacağına şübhə yoxdur, çünki, enerji təhlükəsizliyi məsələsi yeni dünyada xüsusi əhəmiyyət kəsb edir", - deyə Azərbaycan prezidenti İlham Əliyev bildirib.
Məqalə müəllifi ilə əlaqə ünvanı: capital
