Azərbaycan, Bakı, 04 dekabr/ Trend / "SOCAR şirkəti Türkiyənin Petkim neft - kimya kompleksinin inkişafına təxminən 2 mlrd. dollar sərmayə yatırıb və bu prosesi davam etdirmək niyyətindədir", - şirkətin prezidenti Rövnəq Abdullayev Türkiyənin dövlət naziri Gürşad Tüzmənlə görüşdə bildirib.
Türkiyəli nazirin sözlərinə görə, Türkiyə şirkətləri neftlə çirklənmiş torpaqların təmizlənməsi, dəniz nəqliyyatı və gəmiqayırma, qaz təchizatı kimi sahələrdə SOCAR şirkəti ilə əməkdaşlıqda maraqlıdırlar.
SOCAR şirkətinin Turcas Petrol və İnjaz Projects şirkətləri ilə Alyansda Türkiyənin Petkin neft -kimya holdinqində 51 faiz iştirak payı var. Şirkət qısa müddətə Holdinqin müəssisələrinə xammal tədarükünü iki dəfə artırmaq niyyətindədir.
Bunun üçün 2009-cu ildən illik gücü 10 mln. ton olan yeni neft emalı müəssisəsinin tikintisinə başlamaq planlaşdırılır. İlin sonunadək bu müəssisənin layihələndirilməsi başa çatdırılacaq.
SOCAR 2015 - ci ilə bu müəssisənin gəlirlərinin həcmini 1,9 mlrd. dollardan 4 mlrd. dollaradək artırmaq niyyətindədir. Hazırda Holdinqin istehsal gücü 3,2 mln. tona bərabərdir. 2015-ci ilə bu göstərici 6,3 mln. tonadək artacaq.
Türkiyənin neft - kimya məhsullarına olan tələbatı 6,1 mlrd. dollar ekvivalentinə bərabərdir və hər il tələbat 11-12 faiz artacaq. Bu gün Petkim-in istehsalı Türkiyə bazarının təxminən 25 faizini əhatə edir.
SOCAR/Turcas Petrol/Injaz Projects şirkətləri Alyansı 2,04 mlrd. dollara Türkiyənin Petkim Kimya Konserninin səhmlərinin 51 faizini alıb. Hazırda Türkiyə zəruri kimya məhsullarının 70-75 faizini idxal edir. SOCAR/Turcas/Injaz-ın Petkimin inkişafına yatıracaqları sərmayələr məhsul idxalını 30 faizədək azaltmağa imkan verəcək.
Petkim Petrokimya Holding plastik qablaşdırma, parça, PVC, yuyucu vasitələr istehsal edir. O, Türkiyədə belə yeganə belə məhsul istehsalçısıdır və istehsal etdiyi məhsulların dörddə birini ixrac edir.
Müəlliflə əlaqə saxlamaq üçün elektron ünvan: [email protected]
