Azərbaycan, Bakı, 12 dekabr/ Trend , müxbir E.İsmayılov/ ""Azərenerji" SC-nin istehlakçılarının istifadə edilmiş elektrik enerjiyə görə ödənişlərinin səviyyəsi təxminən 80 faizdir", - "Azərenerji"nin rəhbəri Etibar Pirverdiyev cümə günü bildirib.
Onun sözlərinə görə, "Azərenerji" qış mövsümünə bütün hazırlıq işlərini aparıb. "Ölkədə elektrik enerjisi təminatı ilə bağlı problem yoxdur. Belə problemlər yarandıqda isə, dərhal həll edilir", - Pirverdiyev deyib. Beş-altı il ərzində ölkənin elektrik paylayıcı şəbəkələrinin tam yenidən qurulması planlaşdırılır.
"Azərenerji" həm də ölkədə istehsal edilən elektrik enerjisinin ixracı imkanlarını nəzərdən keçirir. "Bizim proqramımız və dövlət başçısının qarşımızda qoyduğu müəyyən məsələlər var .Bu istiqamətdə iş aparırıq", - Pirverdiyev vurğulayıb.
Elektrik enerjisinin qiymətlərində dəyişiklik gözlənilmir. Tarif Şurasına müraciət olmayıb, - "Azərenerji"nin rəhbəri əlavə edib.
Müəlliflə əlaqə saxlamaq üçün elektron ünvan: capitа[email protected]
