Azərbaycan, Bakı, 13 yanvar/ Trend , müxbir E.İsmayılov/ "SOCAR şirkəti (Azərbaycanın Dövlət Neft Şirkəti) yanvarın sonuna Xəzər dənizində "Günəşli" yatağının dayazsulu hissəsində iki istismar qaz - kondensat quyusunun mənimsənilməsinə başlayacaq", - SOCAR - da işlərə yaxın mənbə çərşənbə axşamı bildirib. Quyular "Günəşli-13" platformasında yerləşib.
Mənbənin sözlərinə görə, bir quyunun dərinliyi 3300, ikinci -- 3250 metr təşkil edir.
Beton tökülməsindən sonra, yaxın günlərdə, ola bilsin, "Günəşli-14" platformasında da qaz - kondensat quyusunun mənimsənilməsi başlayacaq. Bu quyuda betonun tökülməsi bir neçə dəfə aparılsa da, bütün cəhdlər uğursuz olub. Mənbə bunun səbəbini açıqlamayıb və bildirib ki, quyunun dərinliyi 2970 metr təşkil edir.
Bütün quyular "28 May" Neft - Qaz Çıxarma Idarəsinin balansına veriləcək.
"Günəşli" SOCAR - ın müstəqil işlədiyi ən böyük neft - qaz yatağıdır. SOCAR - ın hasil etdiyi bütün neft və qaz həcminin, müvafiq olaraq, 60 və 70 faizi bu yatağın payına düşür.
Yeni quyuların qazılması SOCAR - ın təsdiq etdiyi 2008 - 2010 - cu illərdə "Günəşli" dəniz neft - qaz yatağının dayazsulu hissəsini işləyən "28 May" NQÇİ- nin inkişaf proqramı çərçivəsində həyata keçirilir. Proqram çərçivəsində neft hasilatının sabitləşdirilməsi və təbii qaz hasilatı həcminin artırılması planlaşdırılıb.
Müəlliflə əlaqə saxlamaq üçün elektron ünvan: [email protected]
