Azərbaycan, Bakı, 23 yanvar/ Trend , müxbir E.İsmayılov/ 2009-cu ildə magistral boru kəmərlərinin çəkilməsi, qaz anbarlarında cari işlərin aparılması və digər ehtiyaclar üçün "Azəriqaz" QSC-nin kapital xərcləri təqribən 100 mln. manat təşkil edəcək. Bu barədə cümə günü keçirilən mətbuat konfransında QSC-nin rəhbəri Əlixan Məlikov bildirib.
"Biz 2009-cu ilin investisiya proqramını hazırlamışıq və hökumətə təqdim etmişik. Bu proqram çərçivəsində kapital xərclərə 80 mln. manatın ayrılması nəzərdə tutulub. Bu məbləğin 20 mln. manatını "Azəriqaz" şəxsi vəsaitlərindən ayıracaq", - deyə Məlikov bildirib.
Məlikov deyib ki, 2008-ci ildə "Azəriqaz" SOCAR-dan (Azərbaycan Dövlət Neft Şirkəti) 11,205 mlrd. kubmetr qaz alıb ki, bunun da 2,027 mlrd. kubmetr səmt qazı "Azəri-Çıraq-Günəşli" yataqları blokunun işlənməsi layihəsinin, 2,337 mlrd. kubmetri isə "Şahdəniz" layihəsinin payına düşüb.
"Azəri-Çıraq-Günəşli" layihəsinin operatoru 1994-cü ildə imzalanan PSA tipli müqaviləyə əsasən neft əməliyyatlarının aparılması üçün şirkətə lazım olan həcm istisna olmaqla bütün hasil olunan səmt qazını pulsuz olaraq SOCAR-a təhvil verir. SOCAR "Şahdəniz" yatağından "alqı-satqı" barədə müqavilə üzrə qaz alır. SOCAR-ın "Azəriqaz"a verdiyi digər həcmləri şirkət şəxsi vəsaitləri hesabına öz yataqlarından hasil edir.
Məlikovun sözlərinə görə, 2008-ci ildə ölkə abunəçilərinə satış üçün qaz həcmi 4,5 mlrd. kubmetrdən artıq və ya 258 mln. manat təşkil edib. Lakin ötən il qaza görə vəsait yığımı 165 mln. manat təşkil edib.
"Ölkə üzrə yığım 2008-ci ildə 64 faizə barəbar olub, əhali üzrə isə bu göstərici 60 faiz təşkil edib", - deyə Məlikov bildirib.
2008-ci ildə ölkənin Ağcabədi, Beyləqan və Ağdam rayonlarının qaz ilə təminatı bərpa olunub və ilk dəfə olaraq Füzuli rayonuna (Horadiz) qaz verilib.
Məlikov bildirib ki, ümumilikdə ötən il "Azəriqaz" təqribən 1000 km müxtəlif diametrli boru çəkib.
Yanvarıfn 23-nə olan rəsmi məzənnə 0,8054 AZN/USD təşkil edir.
Məqalə müəllifi ilə əlaqə ünvanı - [email protected]
