...

"Nabukko" Ukraynaya qazın real qiymətini öyrənmək şansı verəcək - səfir

Energetika Materials 9 Fevral 2009 14:06 (UTC +04:00)

Azərbaycan, Bakı, 09 fevral / Trend / Ukrayna "Nabukko" qaz kəməri layihəsini sözsüz dəstəkləyib. Baxmayaraq ki, kəmər Ukraynadan kecmir, bununla belə Rusiyadan alınan qazın real qiymətini təyin etməkdə ölkəyə kömək edəcək. Bu barədə Ukraynanın Azərbaycandakı səfiri Boris Klimçuk bildirib.

"Bu bu böyük qaz kəməri Ukraynaya qazın real qiymətini bilməkdə kömək edəcək. Qoy qaz istehsalçıları - Azərbaycan, Türkmənistan, İran öz qazlarını satsınlar, biz isə bu yolla qazın qiymətini və qiymətin formalaşmasını öyrənə biləcəyik", - bu barədə Klimçuk bildirib.

Bununla bərabər, Ukrayna bu layihə üzrə kecirilən bütün tenderlərdə iştirak etmək niyyətində olduğunu bildirib. Səfir tikinti uçün lazım olan və yüksək keyfiyyətli, lakin ucuz qiymətli  texnika və təchizatların, boru və başqa materialların təqdim edilməsi barədə fikirləri olduğunu da bildirib.    

Dəyəri 7,9 mlrd. avro olan "Nabukko" qaz kəmərinin tikintisinə başlamaq 2011-ci ildə nəzərdə tutulub. Boru kəməri ilə ilk tədarüklər 2014-cü ildə başlanacaq. Boru kəmərinin maksimal ötürmə gücü ildə 31 mlrd. kubmetr olacaq. Layihənin iştirakçıları OMV, Macarıstanın MOL, Bolqarıstanın Bulgargaz, Rumıniyanın Transgaz, Türkiyənin Botas və Almaniyanın RWE şirkətləridir. Onların hər biri bərabər paya - 16,67 faiz paya malikdir.

Məqalənin müəllifi ilə əlaqə ünvanı- [email protected]

Xəbər lenti

Xəbər lenti