Azərbaycan, Bakı, 17 fevral / Trend / "SOCAR şirkəti, neftçilərin "Neft Daşları" yatağına daşınmasını həyata keçirən iki sərnişin gəmisindən biri olan "General Əsədov" gəmisinin (ikincisi - "Sabit Orucov" ) tərsanə təmirini həyata keçirir", - SOCAR-ın çərşənbə axşamı yaydığı məlumatda deyilir.
Gəmi bir reysə 459 neftçinin daşınmasını həyata keçirir.
Gəminin təmirinin iki həftə ərzində başa vurulması gözlənilir. Bu zaman çərçivəsində onun korpusunun təmizlənməsi və rənglənməsi də nəzərdə tutulub. Gəminin sualtı hissəsinə də diqqət ayrılacaq.
Təmir işlərinin bitməsindən sonra gəminin sürəti artacaq.
Hazırda "Neft Daşları" yatağında üç minə yaxın adam çalışır.
