Azərbaycan, Bakı, 07 aprel / Trend /
"İnteqra" şirkətinin Bakı nümayəndəliyinin məlumatında deyilir ki, "İnteqra" şirkətlər qrupuna daxil olan Rusiyanın "Azimut Enerji Servises" şirkəti Qərbi Qazaxıstanın "Tengiz" və "Korolevskoye" yataqlarında seysmik kəşfiyyat (3D) işləri aparır. İşlər "Tengizşevroyl" şirkəti ilə imzalanmış müqaviləyə əsasən 1000 kvadrat kilometrlik ərazidə aparılacaq.
"İnteqra" şirkətlər qrupu qazma, quyuların kapital təmiri işlərini aparır. Şirkət seysmoloji və geoloji xidmətlər göstərir, eləcə də neft-qaz avadanlıqlarının təmiri ilə məşğuldur. Şirkətin nümayəndəliyini Azərbaycanda ötən il açılıb.
"Tengizşevroyl" - Qərbi Qazaxıstanda "Tengiz" və "Korolevskoe" yataqlarını işləyən birgə Qazaxıstan-Amerika şirkətidir.
Məqalə müəllifi ilə əlaqə ünvanı: [email protected]
