Azərbaycan, Bakı, 20 aprel / Trend , müxbir E.İsmayılov /
Rusiyanın qaz inhisarçısı "Qazprom" Mazdok-Qazməmməd magistral qaz kəmərinin Samur çayından keçən sualtı hissəsinin təmir-bərpa işləri üzrə tender elan edib. Bu barədə "Qazprom" ASC-nin rəsmi internet saytında yerləşdirilən məlumatında bildirilir.
Məlumatda bildirilir ki, bu işlər "Qazprom transqaz Mahaçqala" MMC-nin ("Qazprom"un törmə müəssisəsi) şəxsi vəsaitləri hesabına maliyyələşdiriləcək.
"Qazprom" martda Mazdok-Qazməmmd qaz kəmərinin əsaslı təmiri çərçivəsində artıq üç tender elan edib. ASC Mazdok-Qazməmməd qaz kəmərinin üç hissəsində izolyasiya örtüklərinin əsaslı təmiri çərçivəsində layihə tədqiqat işləri üzrə tender elan edib.
Həmçinin "Qazprom" Mazdok-Qazməmməd qaz kəmərinin çaydan keçən keçidlərinin (iki obyekt) əsaslı təmiri üzrə layihə-tədqiqat işləri üçün müqavilə bağlamaq hüququ və Mazdok-Qazməmməd magistral qaz kəmərinin avtomobil yollarından keçən obyektlərinin (beş obyekt) əsaslı təmiri üzrə layihə-tədqiqat işləri üçün müqavilə bağlamaq hüququ üzrə tenderlər elan edib.
SOCAR şirkəti (Azərbaycan Dövlət Neft Şirkəti) Rusiyanın "Qazprom" şirkəti ilə qarşılıqlı anlaşma memorandumu imzalayıb. Memoranduma əsasən, DAF şərtlərilə Azərbaycan-Rusiya sərhədinədək 2010-cu ilin yanvarından tədarükə başlamaqla Azərbaycan qazının alqı-satqı şərtlərinin razılaşdırılması üzrə danışıqlara başlamaq qarar alınıb. Memorandum çərçivəsində qaz mübadiləsi əməliyyatlarının həyata keçirilməsinin iqtisadi məqsədəuyğunluğu və variantları hazırlanacaq.
Memorandum təcrübə mübadiləsi, kursların keçirilməsi, tədris seminarlarının təşkili və informasiya mübadiləsi üçün tərəflərin mütəxəssislərinin istehsal obyektəlinə baş çəkməsi üzrə əməkdaşlıq proqramının hazırlanmasını nəzərdə tutur.
Yaxın vaxtlarda SOCAR və "Qazprom" qaz kəməri sisteminin müasirləşdirilməsi üçün onun Bakı - Novo-Filya məntəqəsində texniki yoxlama aparacaqlar. Bu hissə ilə Azərbaycan qazı Rusiyaya tədarük olunacaq.
Bakı - Novo-Filya Azərbaycanın qaz nəqliyyatı sisteminin Bakıdan Xəzərin sahillərilə Rusiya sərhədlərinədək gedən məntqəsidir. Məntəqənin uzunluğu təqribən 200 km, boruların diametri1220 millimetrdir.
"Qazprom" ötən ilin sonu-cari ilin əvvəlində üç tender elan edib - "Mazdok-Qazməmməd magistral qaz kəmərinin geotexniki diaqnostikası", "Ümumi uzunluğu 31 km.olan Mazdok-Qazməmməd MQK-da izolyasiya örtüklərinin əsaslı təmiri prosesində boruların zədəli yerlərinin ayrılması" və "Magistral qaz kəmərlərinin (Mazdok-Qazməmməd) texniki vəziyyətinin proqnozu və təhlili".
Məqalə müəllifi ilə əlaqə ünvanı: [email protected]