Gürcüstan, Tbilisi, 22 aprel / Trend , müxbir N.Kirtsxaliya /
Texniki işlər səbəbindən rus qazının Gürcüstandan Ermənistana tranziti müvəqqəti olaraq dayandırılacaq.
Gürcüstanın neft-qaz korporasiyasından verilən məlumatda deyilir ki, Şimal-Cənub magistral qaz kəməri hissələrinin birində aparılan işlərdən sonra bu hissə mərkəzi qaz kəmərinə birləşdirilməlidir.
Müvafiq olaraq, texniki işlər səbəbindən qaz tranziti müvəqqəti olaraq dayandırılacaq. Korporasiyada qazın verilişinin aprelin 26-da bərpa olunacağını düşünürlər. Gürcüstan tərəfi artıq qaz tranzitinin dayandırılacağı haqqında İrəvana xəbər verib. Şimal-Cənub magistral qaz kəmərindəki bərpa işləri Gürcüstanın enerji təhlükəsizliyi üzrə Minillik Fondunun layihəsi çərçivəsində həyata keçirilir.
Məqalə müəllifi ilə əlaqə ünvanı: [email protected]
