Azərbaycan, Bakı, 25 may / Trend , müxbir E.İsmayılov /
Yanvar-apreldə Türkiyənin Botaş Dövlət Boru Kəməri Şirkəti müxtəlif mənbələrdən Türkiyəyə təqribən 11,53 mlrd. kubmetr qaz idxal edib. Bu barədə Botaş-ın rəsmi saytında yerləşdirilmiş məlumatda bildirilir. Ümumilikdə 2008-ci ildə Botaş şirkəti tərəfindən 38 mlrd. kubmetr qaz idxal olunub.
Türkiyəyə idxal olunan qazın ümumi həcmindən 9,1 mlrd. kubmetri məişət qazının payına düşüb. Maye qazın payına 2,4 mlrd. kubmetr düşüb.
2008-ci ildə Türkiyə tərəfindən idxal olunan qazın ümumi həcmindən 32,2 mlrd. kubmetri təbii qazın, təqribən 5,6 mlrd.kubmetri isə maye qazın payına düşüb.
Apreldə Türkiyə tərəfindən mart ayının 3,3 mlrd. kubmetrinə nisbətdə təqribən 2,4 mlrd. kubmetr qaz istifadə olunub. Apreldə istifadə olunan qazın ümumi həcmindən 1,2 mlrd. kubmetrdən çoxu elektrik stansiyalarına, 622 mln. kubmetri istehlakçılara, 496 mln.kubmetr isə sənaye müəssisələrinə göndərilib.
2008-ci ildə ümumilikdə Türkiyə tərəfindən 36 mlrd. kubmetr qaz istifadə olunub. Bu göstərici 2007-ci ildə 35 mlrd. kubmetrə bərabər olub.
Məqalə müəllifi ilə əlaqə üvnanı: [email protected]