Qazaxıstan, Astana, 27 may / Trend , müxbir K.Konırova /
"KazMunayQaz" SC MŞ-də kadr dəyişikliyi gözlənilir", - Trend -ın xüsusi müxbirinə şirkətdəki mənbə məlumat verib.
Məlum olub ki, "KazMunayQaz RD" SC-nin baş direktoru vəzifəsinə hazırda "KazMunayQaz" SC MŞ-in vitse-prezidenti olan Kenjebek İbraşev təyin ediləcək. Hazırkı baş direktor Askar Baljanov isə "KazMunayQaz" sistemində çalışacaq.
"KazMunayQaz"ın özündə isə bu məlumatı Trend -ın xüsusi müxbirinə nə təsdiq, nə də təkzib etdilər.
"Bəli, kadr dəyişiklikləri barədəa danışıqlar gedir, amma bunlar yalnız danışıqlardır", - MŞ-dəki mənbə deyib.
Şirkətin "KazMunayQaz - kəşfiyyat və hasilat" törəmə şirkətinin ictimaiyyətlə əlaqələr departamentində bu informasiyanı təsdiq etmədilər: "Rəsmi qərar yoxdur, ona görə də sizə heç nə deyə bilməyəcəyik".
Məqalə müəllifi ilə əlaqə ünvanı: [email protected]