Azərbaycan, Bakı, 30 may / Trend , müxbir E.İsmayılov /
"Bu ilin sentyabrında Azərbaycanda 525 meqavatt gücü olan, MDB-də analoqu olmayan, Sumqayıt qaz-buxar qurğusu elektrik stansiyası istifadəyə veriləcək", - Azərenerji SC-nin vitse-prezidenti Marlen Əskərov deyib. Hazırda bu stansiyada bitirmə-buraxılış-qurğu işləri aparılır. Tikintini Almaniyanın Siemens şirkəti həyata keçirir.
Mütəxəssislərin proqnozlarına əsasən, bu stansiyanın illik hasilat gücü 3,8 milyard kilovatt/saat elektrik enerjisidir. Bir kilovatt/saat elektrik enerjisinə xərc 230 qram yanacaqdır. Stansiyanın qaz yanacağında illik ehtiyacı 630 milyon kubmetrdir. Layihənin dəyəri 257 milyon avrodur.
Maliyyələşdirmə üzrə müqavilə Bayern LB bank (Almaniya), Societe de General (Fransa) və BNP Paribas (Fransa) ilə bağlanıb. Hər üç bank 15 il müddətinə (birinci üç il güzəştli) Libor +0,55 faiz dərəcəsi ilə bərabər paylar ayırır. Bu layihə çərçivəsində həmçinin 107 kilometr yüksək voltlu elektrik ötürücü xətlərin tikintisi də nəzərdə tutulub. Həmçinin elektrik stansiyasına qaz ötürülməsi üçün qaz kəmərinin tikintisi də həyata keçirilib. Onun dəyəri 30 milyon avro həcmində qiymətləndirilir.
Məqalə müəllifi ilə əlaqə ünvanı: [email protected]