Azərbaycan, Bakı, 01 iyun / Trend /
"SOCAR şirkəti "Ümid-1" perspektivli dəniz strukturunda eyniadlı yeni platformanın tikintisini başa çatdırıb", - SOCAR-ın məlumatında deyilir.
Son 20 ildə ilk dəfə SOCAR bu perspektivli strukturun müstəqil işlənməsinə başlayacaq.
Məlumatda deyilir ki, kəşfiyyat qazıma işlərinə bu ay başlanılması gözlənilir.
"Bu strukturdakı birinci quyunun dərinliyi 6,5 min metr olacaq. Onun dörd min metrinin bu il qazılması gözlənilir. Qazma işlərinin gələn il başa çatdırılacağı gözlənilir", - bir müddət əvvəl SOCAR nümayəndəsi bildirib.
Tikintisi başa çatdırılmamış "Çıraq-6" platformasının bazasında yerləşən "Ümid-1" platforması SOCAR-ın qaz proqramı çərçivəsində ən böyük obyektdir. Onun hündürlüyü 72 metr olacaq. Platforma "Bulla-dəniz" yatağının 15 kilometr yaxınlığında, 58 metr dərinlikdə yerləşəcək. Platformadan altı quyu qazılması planlaşdırılır.
"Ümid"in gözlənilən qaz ehtiyatları 300 milyard kubmetr, qaz kondensatı isə 30-40 milyon tondur.