Azərbaycan, Bakı, 03 iyun / Trend , müxbir E.İsmayılov /
SOCAR (Azərbaycan Respublikası Dövlət Neft Şirkəti) Cənubi Koreyada neftin saxlanılması imkanlarını nəzərdən keçirir, çərşənbə günü SOCAR-ın yüksək vəzifəli nümayəndəsi bildirib.
"Konkret razılaşma yoxdur, lakin bu məsələyə hazırda baxılır", - SOCAR nümayəndəsi bildirib. Cənubi Koreyada neftin saxlanılması üçün bütün terminallar tutulub, lakin SOCAR bu terminalların saxlanma üçün əldə edilməsinə çalışır. SOCAR-ın əldə etmək istədiyi həcmin miqdarını mənbə bildirməyib.
Şirkət nümayəndəsinin bildirdiyinə görə, böyük neft ehtiyatının saxlanılması barədə razılıq əldə edilsə, SOCAR-ın treydinq şirkətinin Sinqapur ofisi nefti Cənub-Şərqi Asiya bazarında özü bir başa olaraq əldə edəcək, bölüşdürəcək və satacaq.
Əgər bu razılıq əldə edilməsə, ofis Azərbaycan neftinin böyük tonnajlı ehtiyatını Ceyhan limanından Cənub-Şərqi Asiyaya tədarükü ilə məşğul olacaq.
Socar Trading Sinqapur ofisi Cənub-Şərqi Asiyanın ada və yarımadalarına gəmi reyslərini azaldaraq ixracatı maksimum səviyyəyə çatdırmaq məqsədi güdür. Bu səbəbdən böyük həcmdə neft regiona tədarük ediləcək. "Bundan sonra Sinqapur ofisi orta və kiçik Cənub-Şərqi Asiyada topdansatış edəcək", - şirkətin nümayəndəsi bildirib.
SOCAR-ın iki ofisinin (Cenevrə və Sinqapur) və şirkətin xidmətlərindən istifadə etməyə hazır olan konsorsium nümayəndələrinin əsas vəzifəsi yalnız Azərbaycan neftinin satışı deyil, həmçinin bu ofisləri treydinq şirkətlərinə çevirməkdir.
SOCAR-ın vəzifəsi bu ofislərin üçüncü ölkələrin neft satışı vasitəsilə gəlirlərinin artırılmasıdır. Üçüncü ölkələrin neftinin göndərilməsi hələ ki, həyata keçirilməyib, lakin Cənubi Amerika, Afrika və Cənubi-Şərqi Asiyadan olan müxtəlif şirkətlər ilə danışıqlar aparılır.
Məqalə müəllifi ilə əlaqə ünvanı: [email protected]
